Zëdhënësi I markës së njohur për makinat luksoze Mercedes-Benz na bëri me dije nga rrjeti social twitter se shefi ekzekutiv i Mercedes, Daimler kishte shfaqur interes në krijimin e një makine të tillë elektrike.

Për lansimin e një Mercedes G-Class elektrike, duhet të presim deri më shumë se 2 vite, siç është përfolur deri ne vitin 2022. Emri I kësaj makine e cila do të jetë krejtësisht elektrike do të jetë EQG. Sipas të gjitha gjasave në të ardhmen do të shohim një G-Wagen Plug-in-hybrid (Që nënkupton bateriat e tij do të mbushet nga nje burim I jashtëm I energjisë elektrike), përpara se të shohim nje version krejtësisht elektrik.

Suv elektriku aktual I Mercedesit quhet EQC, gjithashtu janë vjedhur fotot të S-Class që ka shumë mundësi të quhet EQS dhe janë shpërndar në internet.

Në janar, shefi I dizajnit Gorden Wagener në një intervistë pasi që ishte pyetur rreth kesaj teme, ishte përgjigjur shumë optimist duke thenë : “Ky është vetëm fillimi. Në të ardhmen do të shihni disa dizajne vërtet progresive, dhe shumë të lezetshme”, në një tjetër intervistë të mbajtur me Ola Kallenius ai poashtu kishte sqaruar shumë, në lidhje me këtë temë duke thenë: ”Të gjitha sistemet janë duke vazhduar. Ne si Mercedes, jemi duke investuar më shumë se dhjetë miliardë euro në zhvillimin e makinave elektrike , kështu që deri në fund të vitit 2020 ne do të sjellim më shumë se dhjetë lloje të makinave elektrike”.

Në rast se Mercedes e krijon një SUV elektrik si model të ri të tij, nuk do të jetë I pari që do të bejë një makinë të ketij lloji. Kompania Austriake Kreiel e kishte bërë shendrrimin e mototrit të Mercedes-Benz G-Class në motor elektrik dhe një bateri, të cilin ja shiti aktorit të famshëm Amerikan Arnold Schwarzeneger.