BMW po investon miliarda në makina elektrike. Por kjo nuk do të thotë se motorët me djegie të brendshme do të eliminohen së shpejti.

“Makinat me naftë do të mbijetojnë për të paktën 20 vjet dhe motorët e benzinës për 30 vjet”, tha menaxheri i zhvillimit të BMW, Klaus Fröhlich.

 

Në një konferencë mbi ngarkimin e makinave, i organizuar nga BMW, menaxheri i zhvillimit të BMW u treguar mjaft i hapur duke shprehur  pikëpamjet e tij mbi automjetet e ardhshme.

Përkundër faktit se prodhuesi gjerman i makinave ishte midis të parëve që zhvilluan makinën elektrike i3 dhe çdo vit janë shpenzuar miliarda për nxitjen e zhvillimit drejt elektrifikimit, por megjithatë duket një e ardhme edhe për motorët me djegie tradicionale.

– Një llogari optimiste është se shitja jonë e makinave elektrike është 20 për qind për gjashtë vite. Kjo nënkupton se 80 për qind e makinave që ne shesim do të kenë motorë me djegie të brendshme, thotë Klaus Fröhlich.

Ai beson se për aq kohë që ka vende që nuk investojnë në infrastrukturë me stacione ngarkimi, makinat elektrike nuk do të jenë tërheqëse për konsumatorët e vendit.

– Ne shohim se zonat si Rusia, Lindja e Mesme dhe pjesët perëndimore / të mesme të Kinës janë të pazhvilluara përsa i përket planifikimit për të qenë në gjendje të ngarkojnë makina elektrike. Atje to dë vazhdoj blerja e makinave me benzinë dhe naftë për 10-15 vite në vijim.

Fröhlich beson se do të zgjasë rreth 10 vite para se disa zona në Kinë do të dominohen nga makinat elektrike, siç është bregu lindor i Kinës dhe qytetet e mëdha si Pekini dhe Shangai.

– Dhe në SHBA, makinat elektrike do të shiten kryesisht në bregun perëndimor (Kaliforni) dhe pjesë në bregun lindor, por ende do të mbeten pakicë në rrugë.

– Tranzicioni drejt elektrifizimit është tepër i mprehur, thotë Klaus Fröhlich. Makinat e baterive kushtojnë më shumë kur bëhet fjalë për lëndët e para për bateritë. Kjo gjendje do të vazhdojë të jetë kështu dhe ndoshta mund të përkeqësohet kur vjen në shprehje rritja e kërkesës për lëndë të parë.

Në të ardhmen ne do të hasemi me më pak motorë dizel, dhe kryesisht janë motorë të vegjël që janë më të rrezikuarat. BMW do të mbyllë motorin me tri cilindra me naftë 1.5 litra, sepse kostoja për të zhvilluar pastrimin e gazit do të jetë e lartë. Edhe motori dizeli me gjashtë cilindra me 400 kuaj fuqi (BMW 750d) është poashtu i kërcënuar, sepse është tepër i komplikuar dhe shumë i shtrenjtë për t’u ndërtuar.